Recomendacións lectoras Nadal.

 Aquí vos deixamos unha escolla de libros e contos para toda a familia, dende os máis pequenos ata os máis maiores! Disfrutade do Nadal! 

Despedimos o ano por todo o alto!

Para rematar este trismestre, preparamos unha boa festa de Nadal! 

Primeiro practicamos para a noite de fin de ano, a ritmo de badaladas e gusanitos! Qué divertido foi!!! 

Pero cando o alumnado pensaba que a festa rematara, chegou unha sorpresa ...Papá Noel apareceu no colexio, cargadiño de caramelos e de moitas ganas de recoller as cartas que os nenos e nenas tiñan preparadas!!

Un gran día de emocións para despedir este ano! Vémonos á volta das vacacións!! 

Nadal, doce Nadal!!

Chegou o tempo de Nadal!!! 

Os corredores do colexio enchéronse de luces, cores e unha morea de adornos elaborados polo alumnado! 

Ademais, este ano, como é tradición elaboramos unhas postais, para felicitar ditas festas. 

Pero...nesta ocasión quixemos darlles un uso diferente e decidimos que estas postais ían ir destinadas a diversos organismos da zona: o concello de Quiroga, de San Clodio e o de Caurel, o centro de día da Ribeira e as residencias de Quiroga e San Clodio, o IES e a Escola Infantil de Quiroga e os colexios de San Clodio e Caurel. 

Aquí vos amosamos o bonitas que quedaron!!! 

O Muro das Verbas

 Durante este curso, desenvolveremos no centro a actividade denominada "O MURO DAS VERBAS", que consiste en indagar entre alumnado e familias sobre verbas galegas esquecidas, novidosas ou cun significado especial. Ao longo de cada mes, o alumnado traerá as súas verbas, das cales se fará unha exposición e escolla nos diferentes cursos e serán as colocadas no muro das verbas.

Aquí vos amosamos as primeiras aportacións ao "MURO DAS VERBAS" no mes de novembro. Moitas grazas aos e ás participantes.

Deixade voar a vosa imaxinación, indagade e creade as vosas verbas da maneira máis orixinal. Así, poderemos encher o noso muro e dar a coñecer a lingua galega dende a perspectiva máis persoal de cada quen.

Presentación Muro das Verbas Novembro

Eleccións do imagotipo do PDI!

Pois xa temos gañador da elección do imagotipo que representará o noso proxecto: “Un territorio con moita historia”. Despois dun proceso electoral democrático no que participou todo o alumnado do colexio… o imagotipo gañador é o de… Leo de sexto.

Aquí deixamos un resumo da xornada electoral. Parabéns a Leo e aos demais deseñadores, todos fixeron un estupendo traballo!!! Parabéns tamén aos membros da mesa electoral!!

Non queremos máis violencia!

O pasado 25 de Novembro, celebramos o día en contra da violencia de xénero.

Nesta ocasión para conmemorar dito día realizamos diferentes actividades. 

Por unha banda, os máis maiores do cole, tiveron unha charla a cargo do CIM de Quiroga sobre a identidade de xénero, os prexuízos, os estereotipos sociais, etc. 

Os máis pequeniños do cole, tamén grazas ao CIM coñecemos un pouco mellor o noso corpo, o dereito que temos sobre el e o máis importante, aprendemos a dicir que non. 

Xa para rematar o alumnado do primeiro ciclo de primaria, elaborou un mural con palabras bonitas, a prol da igualdade e da non discriminación. 

Magosto cheo de xogos!

Como é tradición de cada Outono, festexamos o magosto no CEIP de Quiroga!! 

Este ano foi un pouco diferente, xa que o día que degustamos as castañas asadas, as cales estaban boísimas, non puidemos saír ao patio para realizar os diferentes circuítos que tiñamos preparados, xa que a choiva impedíunolo. 

Non obstante, aproveitando esta semana de sol, saímos por fin a xogar!!! E como non podía ser doutra forma, as castañas foron as protagonistas dos nosos xogos!! 

O ano que ven, máis e mellor!!! 

Samaín terrorífico!

Coma anos anteriores, dende o cole festexamos o Samaín en colaboración coas familias. 

Este curso, pedimos que os nenos e nenas trouxeran da casa un sombreiro decorado con elementos de Samaín.

Bruxas, arañas, ollos, morcegos, teas de araña...non faltou detalle. 

Os resultados foron espectaculares. Temos verdadeiros artistas!!! Por suposto miles de grazas ás familias pola implicación. 

Ata o ano que ven Samaín...!! 

Chegou o Samaín...!

 Un ano máis achégase o Samaín!! 

É tempo de poñer en marcha a creatividade dos nenos e nenas en colaboración coas súas familias!

Este curso, dende o CEIP de Quiroga propoñemos unha exposición de sombreiros. É dicir, o alumnado poderá traer ao longo da semana que ven, un sombreiro (de bruxa, de meiga, de trasno...)decorado da forma máis orixinal posible!!

Estarán expostos polo cole e finalmente o 31 volverán para os fogares para poder decorar estes!! 

Mans á obra...!!! 

ENTREGA DE PREMIOS. Concurso "DÍGOCHO EU"

O día 16 de maio, os nosos nenos e nenas coas súas profes desprezáronse ata Santiago de Compostela, á Cidade da Cultura, onde se celebraba a entrega de premios do concurso "Dígocho eu", no que o noso centro quedou finalista, dentro da categoría de "Premios especiais do xurado". Alí nos enteramos de que o noso cole foi o gañador desta categoría. Noraboa a todos e todas!

DÍA DAS LETRAS GALEGAS. CONCURSO "DÍGOCHO EU"

Para conmemorar as Letras Galegas, o centro participou nun concurso proposto polo programa da TVG "Dígocho eu", dixirido a centros de Educación Infantil e Primaria de toda Galicia.

As bases de dito concurso recollían que se debía elaborar un vídeo de menos dun minuto no que se relate, da forma máis orixinal posible, a forma correcta de dicir en galego palabras de uso común.

O noso cole decidiu confeccionar o vídeo a través de palabras que xurdiron durante o desenvolvemento do PDI que se está a traballar durante este curso ("Quiroga, terra de ríos"),  relacionadas coa flora e fauna dos ríos. O título deste foi: "Aprendemos a falar dos ríos con xeito", e o resultado foi o seguinte:

DÍA DO LIBRO

Para o 23 de abril, Día do Libro, o alumnado do centro elaborou bandas nas que cada grupo dos diferentes cursos pensou e redactou dúas frases de motivación cara a lectura. Posteriormente, colocamos as bandas nos escalóns que van dende a entrada do centro ao primeiro andar. E tí, anímaste a soñar a través da lectura?

DÍA DA POESÍA

Este curso escolar, conmemoramos o Día da Poesía traballando a expresión escrita a través da creación de poemas. Ditos poemas están en consonancia co PDI que estamos a traballar: "Quiroga, terra de ríos". O alumnado de educación infantil e primeiro e segundo de primaria, fixeron versos a través de acrósticos cos nomes dos ríos da Comarca de Quiroga, mentres que os máis maiores fixeron creacións libres tamén relacionadas cos ríos.

8M. MULLERES NO MUNDO DIXITAL.

Para conmemorar o Día Internacional da Muller o tema da ONU para este ano 2023 foi: “Por un mundo dixital inclusivo: Innovación e tecnoloxía para a igualdade de xénero” Con este motivo os nosos nenos e nenas investigaron sobre mulleres que aportaron moito ao mundo das novas tecnoloxías, pero igual que noutros ámbitos foron ignoradas pola historia. Resaltamos a figura de Ángela Ruíz Robles, a mestra galega “Dona Angelita” inventora do primeiro libro dixital, antecedente do ebook, no año 1949.

DÍA DE ROSALÍA DE CASTRO

Este ano, comemoramos o día de Rosalia de Castro facendo un mural colaborativo entre todo o alumnado do centro. Para iso, empregamos varias técnicas:

* Collage

*Lettering

* Témpera

Nel representamos, ademais do retrato de Rosalía, unha paisaxe cun río e o poema "Adiós ríos, adiós fontes", en consonancia co PDI que estamos a traballar no centro este curso "Quiroga, terra de ríos".

ENTROIDO 2023

 

Este ano, o alumnado do centro elaborou para o entroido unha xacia, personaxe mitolóxica dos nosos ríos, que foi a encargada de darnos as consignas diarias para esta semana de Entroido. 

                                                     

                                          

                                                     

                                                   

                                                    

Comemoración do DÍA ESCOLAR DA NON VIOLENCIA E A PAZ.

O día 30 de xaneiro, tamén se levou a cabo a carreira solidaria para colaborar coa ONG "Save the Children". Os nenos e nenas participaron na mesma por grupos internivel, de modo que en todos eles houbo alumnado dos diferentes cursos e etapas. Desta forma, preténdese eliminar o carácter competitivo e fomentar a solidariedade, o traballo en equipo, a responsabilidade, a axuda, a amizade, a inclusión, a igualdade, etc. Precisamente, cada grupo representaba un destes valores.

Ademais, realizouse un acto no que o alumnado do cuarto curso de Primaria pediu a Paz para Ucraína mediante a elaboración dunha pancarta e a expresión dunhas verbas en idioma galego e ucraíno.

Por último, todo o colexio representou mediante cante e baile unha canción para a Paz.