Muro das verbas - Marzo

 O noso muro das verbas está cheo de palabras bonitas!!!

Aquí podedes ver as elixidas no mes de marzo. 

Muro das verbas marzo

8M-Día Internacional da Muller

💜8M- Día Internacional da Muller 💜

Homenaxe a unha parte das mulleres importantes de Quiroga! 

Por ser unhas loitadoras e un exemplo a seguir!! 

Inspirámonos novamente en Victoria Villasana para realizar este traballo. 

Feliz día e grazas a todas e cada unha das mulleres que fixeron e fan posible hoxe que todas nós poidamos ser o que QUEIRAMOS ser. 

Día de Rosalía!

Dende RadioPeques aquí vos deixamos o podcaste que elaboramos para conmemorar o día da nosa querida Rosalía de Castro!!

O alumnado de 5° e 6° foi o encargado de elaborar un guión coa vida e obra da escritora. 

Logo, todo o alumnado das diferentes etapas participou colaborativamente na recitación do podcast!! 

Esperamos que vos guste! 

Podcast Rosalía de Castro

Muro das Verbas - Febreiro

 O noso muro das verbas vai medrando cada mes.

Aquí vos deixamos as verbas escollidas para o mes de Febreiro! 

Muro-das-verbas-febreiro

Desfile de Entroido!!

 Por fin o bo tempo nos acompañou para poder realizar o desfile de Entroido que nos quedara pendente. 

Polo que, retomamos os complementos que trouxemos a semana pasada, tal e como indicou o meco e a maiores puxemos os nosos traxes de castrexos e castrexas!! 

Recorremos a vila pola rúa principal acompañados dunha morea de familiares que nos acompañaron!!! 

Que viva o Entroido!!! Ata o ano que ven!! 

Mandados do meco!

 Comeza oficialmente a semana de Entroido!!

Aquí vos deixamos os mandados do meco para estes días!!! 

Destacar tamén, que por mor da climatoloxía adversa, o venres non puidemos celebrar o desfile pola vila, quedando este aprazado. 

Muro das verbas xaneiro!

 Aquí vos deixamos as aportacións para o noso muro das verbas do mes de xaneiro que vai medrando pouco a pouco!! 

Moitas grazas ás familias e ao alumnaso pola vosa colaboración!!

Presentación Muro das verbas Xaneiro

Conmemoramos o día da paz!

Coma todos os anos, cada 30 de xaneiro conmemoramos o día da paz! 

Este ano con especial fincapé na guerra de Palestina, para a cal elaboramos unhas verbas! 

Ademais, cada neno e cada nena recortou unha pomba, na cal escribiu unha palabra a prol da paz. Finalmente esas pombas, foron chantadas na zona verde ao lado do colexio, onde elaboramos un pequeno acto a favor da paz e non á guerra. 

Cantamos todos xuntos a canción "Apertas que voan" e rematamos o día coa tradicional carreira solidaria, mediante a cal recadamos fondos para a ONG Save the Children! 

Achégase o Entroido!

Dende fai uns días andamos preparando o Entroido deste ano! 

Coma sempre, necesitamos a colaboración das familias. Aquí vos deixamos un tríptico informativo sobre a organización do Entroido escolar deste ano. 

O último día da semana desta festividade, é dicir 9 de febreiro, se o tempo o permite desfilaremos pola rúa Real.

Muro das verbas de Decembro

 Continuamos un mes máis completando o noso muro das verbas. 

Estas son as aportacións que foron elixidas en cada unha das aulas do mes de decembro! 

Moitas grazas pola boa acollida desta actividade.

 Muro das verbas de decembro