Galerreporteiros explican o novo Muro das Verbas "A toponimia"

 

DÍA DA POESÍA: CONCURSO DE POESÍA "Un Xeoparque en verde"

Para finalizar o trimestre celebramos o Día da Poesía lendo algún dos poemas sobre temática ambiental e paisaxe premiados no noso concurso escolar “Un xeoparque en verde”. Aquí quedan algunha das imaxes dese evento.

PROGRAMA DE RADIO : DÍA INTERNACIONAL DA MULLER

 

8M OLIMPIADAS DE CORRESPONSABILIDADE

 Con motivo da conmemoración do Día Internacional da Muller, o alumnado do centro participou nunha actividade moi especial titulada “Olimpiadas de corresponsabilidade”, organizada polo Centro de Información á Muller do Concello de Quiroga.

A través de diferentes xogos e dinámicas, os nenos e nenas reflexionaron sobre a importancia de compartir e colaborar nas tarefas do fogar, promovendo valores como a igualdade, o respecto e a corresponsabilidade no día a día.

Nesta xornada tamén contamos coa visita da concelleira de Igualdade, Mayte Pérez Grao, quen quixo acompañar ao alumnado durante a actividade.

Foi unha xornada participativa e moi enriquecedora que nos axuda a seguir educando en igualdade desde idades temperás. Moitas grazas ao Centro de Información á Muller do Concello de Quiroga, a Esther e a Marisa, pola súa implicación e por achegar esta iniciativa ao noso centro.

RADIO "VOCES DAS MONTAÑAS"

 

"OBRADOIRO TECENDO MEMORIAS"

 Unha das finalidades coas que se creou o obradoiro “Tecendo Memorias” foi o da recuperación da memoria comunitaria e cultural a través das persoas que residen nas parroquias do Concello de Quiroga.

 A maiores pretendíase poñer en coñecemento do alumnado do centro educativo algúns dos coñecementos recollidos no obradoiro a través da radio do colexio.

Esta última parte do proxecto púxose en marcha na tarde de onte, cando tres participantes no obradoiro, acompañadas da concelleira de Igualdade, Educación e Infancia, Maite Pérez Grao, participaron nun programa de radio entrevistadas por tres alumnas do centro educativo.

Os xogos, algo tan importante na infancia, foi un dos temas principais da entrevista. As convidadas contaron como foi a súa infancia, tan distinta da que están a vivir os nenos de agora, na que a imaxinación suplía os xoguetes, e na que os xogos grupais eran a maior diversión.

ROSALÍA, TODA TI ES UN CANTAR

Pegamos na saia de Rosalía versos do poema "Adios ríos, adiós fontes". Escollemos o que máis nos gusta e con todos fixemos unha saia ben colorida. Tamén cantamos a cantiga deste poema e cun pouco de tecnoloxía e as placas Mackey Mackey fixemos posible que a súa pandeireta resoara coa música deste poema. 

DÍA DE ROSALÍA

  Con motivo da conmemoración do Día de Rosalía de Castro, o alumnado de 5º e 6º de primaria tivo a oportunidade de asistir a unha interesante charla impartida pola escritora Celia Díaz Núñez, celebrada na Casa de Cultura e organizada polo servizo de normalización lingüística do concello.

Durante o encontro, a autora achegou ao público á vida e á obra de Rosalía, destacando o seu papel fundamental na literatura galega e a relevancia da súa figura máis alá das nosas fronteiras. Ademais, afondou na proxección internacional de Rosalía e na vixencia do seu legado na actualidade.

Agradecemos a Celia Díaz Núñez a súa participación e a súa valiosa contribución para seguir difundindo a nosa cultura e literatura entre o alumnado.

ENTROIDO CHOQUEIRO

Así vivimos o noso "Entroido Choqueiro" no cole. Queremos agradecer de corazón a implicación das familias, que fixestes que esta celebración fose todo un éxito. Seguimos creando recordos xuntos!

https://www.instagram.com/reel/DUu62dhjlcT/?igsh=Y3A3OWNlbmNzajhh

GALERREPORTEIROS " O ENTROIDO"

Os nosos GALERREPORTEIROS saen a rúa para preguntar sobre o entroido quirogués e o tradicional "Entroido Choqueiro".

 

 

PREPARANDO O ENTROIDO

 

DESCUBRINDO O ENTROIDO CON RAMÓN VILA

 Neste proceso de achegamento as raices do noso Entroido, contamos con Ramón Vila, que acudiu ao centro para contarnos moitas cousas dos Entroidos da nosa contorna. estamos moi emocionados, esperamos rendir unha boa homenaxe ao Touro e Toureiro de Bendilló.

CHEGA O ENTROIDO!

 Un entroido de raiz,voltamos a tradición achegándonos a propia da contorna. Aquí un pouquiño dos preparativos e da fase de información. 

MURAL DE INVERNO

 En cada estación do ano, a nosa cortiza de EDLG caracterízase con motivos relacionados. Os nenos e nenas teceron para darlle forma a este precioso mural.