TARXETAS DE NADAL EN GALEGO

 Polo Nadal, o alumnado do Ceip de Quiroga elabora tarxetas de nadal para felicitar esta época do ano a outros centros ou institucións da contorna. Quedáronlles fermosísimas!

RECOMENDACIÓNS LECTORAS DE NADAL

"CANTAMOS OS REIS"

 Recuperamos a tradición de "Cantar os reis". Foi unha experiencia inesquecible e con gran significado para o noso alumnado e familias. As cantigas foron as recollidas no curso pasado coa colaboración das familias. 

https://www.instagram.com/reel/DScP94SjO7O/?igsh=MWg1dXlocWMydDVuaA%3D%3D%0A

NOVEMBRO MES DA CIENCIA EN GALEGO

En novembro conmemoramos o mes da ciencia en galego!

O alumnado de Infantil preparou unha mostra de experimentos para os nenos e nenas de Primaria

Un momento cheo de curiosidade, aprendizaxes e moita ilusión.

Foi xenial ver como compartían coñecemento e entusiasmo pola ciencia!

Porque lembrade… non é maxia, é ciencia!

25N. DÍA INTERNACIONAL CONTRA A VIOLENCIA MACHISTA

Con motivo do día Contra a Violencia Machista, as traballadoras do Centro de Información á Muller do concello trasladáronse ao colexio para impartir o obradoiro “ASÍ TRATAMOS BEN, ASÍ NON TRATAMOS A NINGUÉN”. Aproveitando a data, agasallaron aos nenos e nenas cunha bufanda tubular térmica.

MISIÓN MURO DAS VERBAS

No noso "Muro das Verbas", deixamos plasmado aquel vocabulario propio da nosa contorna en relación aos incendios e a natureza en xeral. Tivemos unha gran participación e seguiremos no segundo trimestre con outra temática. Gracias a isto conseguimos unha nova insignia no noso xogo do PDI. Estade atentos!

Samaín; recomendacións lectoras e "Quitamdos"

O centro luciu terrorífico adornado cos "Quitamedos" feitos polo alumnado de todo o centro. Aproveitamos para escribir os medos persoais de cada quen, e falar dos mesmos.

MICRORRELATOS DE SAMAÍN E BOOKTRILER

 Polo Samaín redactamos microrrelatos de medo en equipas e representámolos. Foi unha experiencia única, na que o alunado ademáis de escribir de xeito creativo puido representar e fotografar as súas obras.

ACTIVIDADE SOLIDARIA "CHAPAS CON CORAZÓN"

 Dende o EDLG e a Biblio do centro, levamos a cabo unha actividade solidaria, creativa e de achegamento á cultura popular. A partires do logo que deseñaron os nenos e nenas de 6º de primaria, elaboramos chapas para vender e co recadado colaborar coa Asociación DOWN Ourense. Foi unha actividade moi enriquecedora, non só pola parte solidaria, se non tamén, por facer a venda das chapas dun xeito moi tradicional e que forma parte da nosa cultura popular. Vendemos na feira da vila, pedimos os permisos oportunos e os días de feira, monta
mos o posto cunha comitiva de nenos e nenas que representaban cada unha das aulas do cole. 

MAGOSTO NO COLE!

Celebramos o Magosto no cole!

Hoxe gozamos dun día moi especial compartindo risas e ricas castañas asadas. Foi unha xornada chea de alegría na que mantivemos viva unha das tradicións máis fermosas da nosa contorna.

Grazas como sempre a Ramón que nos asou as castañas nos tambores seguindo o xeito de facelo dos nosos ancestros .

MURAL DE OUTONO

 

DESEÑAMOS O LOGO DO COLEXIO

Necesitábamos un logo do colexio urxentemente para unha actividade solidaria que pronto vos contaremos. Os nenos e nenas de 6º de primaria puxéronse mans a obra e crearon uns magníficos deseños inspirados no territorio. Estes foron os finalistas. O último foi o elexido!! Que grandes artistas!

PDI: MONTAÑAS DE COUREL, UN XEOPARQUE EN VERDE

MONTAÑAS DO COUREL: UN XEOPARQUE EN VERDE

Chega outubro e con el chega a presentación do noso PDI (Proxecto Documental Integrado)

A situación de emerxencia vivida no final do verán por mor dos incendios en Galicia, e en especial no noso concello, fixo que considerásemos necesario este curso un estudo centrado na unión da educación ambiental, a valoración do patrimonio e a educación física arredor da contorna.

Disto naceu “Montañas do Courel: Un xeoparque en verde”, un PDI onde o alumnado a través de diferentes actividades conseguirá obxectos neste xogo para eliminar as lapas que asolan Quiroga ata deixalo totalmente verde.

Agardamos que vos guste e que entre todos voltemos ao verde!

https://view.genially.com/68c886c697fd7a42da123edb/interactive-content-un-xeoparque-en-verde

OBRADOIRO DE REGUEIFAS

 O venres, día 26, o alumnado de 5º e 6º de primaria participou, xunto co alumnado do CEIP de San Clodio, nun obradoiro de regueifas organizado polo departamento de normalización lingüística do concello de Quiroga. O obradoiro foi impartido polos regueifeiros: Luís "O Caruncho" e Pinto d`Herbón.

Foi unha actividade, ademáis de didáctica, moi divertida!

CHARLA- COLOQUIO CUN NEOFALANTE, "PEITOESCURO"

" Benvid@s ao galego" é o programa de concienciación do uso do idioma que promove a concellería de normalización lingüística do concello de Quiroga e que posibilitou que nos acompañase Rubén Gutiérrez "Peitoescuro", que como neofalante, nos explicou o proceso mediante o cal comezou a usar o galego en todos os contextos da súa vida. Peitoescuro, un pracer escoitarte cantar e falar en galego! 

Galemés: Obradoiro da fundación Legar

 Hoxe visitounos na biblioteca, Xabier, da Fundación Legar, para elaborar, xunto ao alumnado de quinto e sexto de primaria, diferentes instrumentos elaborados con elementos da natureza. Foi unha interesantísima e creativa actividade. Encadrámola tamén dentro do noso proxecto de centro “Un territorio Arte-san”.

Xeopícaros

 Empezamos a XIX Semana dos Xeoparques Europeos #EGNWeek2025 por todo o grande.

V Xeopícaros do Xeoparque Montañas do Courel.

Reunión dos escolares do Xeoparque na vila de Quiroga.

Levamos a cabo esta actividade xunto co colexio de San Clodio e tamén, o de Seoane do Courel onde, por clases levamos a cabo diferntes xogos, obradoiros... sobre o noso, o que nos rodea e do que tan orgullosos nos sentimos.