Recomendacións lectoras nadal 2024

Premendo no seguinte enlace, podedes acceder ás recomendacións lectoras para o Nadal. Boas festas!!  https://view.genially.com/674de59617dbcd63e062e113/guide-recomendacions-lectoras

Cantigas de Reis

O equipo de biblioteca xunto co equipo de Dinamización da Lingua Galega propuxeron a recompilación de Cantigas de Reis propias da zona de Quiroga que, sobre todo os máis maiores coñecen e que consideramos como unha gran riqueza cultural.

Por isto, os nenos e as nenas fixeron unha magnífica recompilación das cantigas tradicionais de reis, as cales podedes escoitar no vídeo que aquí vos compartimos.

Grazas a todos e a todas pola vosa participación e implicación!!

Castelao

Tamén, o 4 de decembro todo o centro acudiu ao auditorio municipal para ver a representación da obra "Castelao". Esta actividade foi organizada pola área de Normalización Lingüística do Concello de Quiroga en colaboración coa área de cultura de Vicepresidencia 1º da Deputación Provincial e o CEIP de Quiroga. 

Nesta representación divertida á par que reflexiva, falounos sobre a última tarde qu Casteloa pasou en Rianxo antes de coller o barco para ir a Arxentina coa súa nai. O texto da mesma é de Paula Carballeira, a dirección de Fina Calleja e en escea, Mónica Camaño e Cris Collazo, quenes amosan na obra a un Castelao de 8 anos na súa vila natal, divertido, feliz, alegre e aventureiro.

Visitas ao Museo Etnográfico de Quiroga

 Durante este trimestre, tamén visitamos o Museo Etnográfico de Quiroga. O 25 de outubro visitárono os alumnos e as alumnas de 5º e 6º de Educación Primaria, a comezos de novembro o alumnado do primeiro ciclo, 1º e 2º e, a comezos de decembro o alumnado de 3º e 4º de Educación Primaria.

Nestas visitas puideron coñecer de primeira man o xeito da elaboración artesanal de produtos típicos da zona de Quiroga como son o mel, o aceite ou o viño. Tamén coñeceron o proceso de secado das castañas nos sequeiros e puideron ver diferentes ferramentas para traballar a madeira ou o ferro, por exemplo. 

A continuación deixámosvos unha pequena mostra en fotos do que foron estas saídas.

Día Internacional contra a Violencia Machista

 Para conmemorar o Día Internacional contra a Violencia Machista, as traballadoras do Centro de Información a Muller do concello de Quiroga estiveron no colexio o xoves e o venres da semana pasada para realizar actividades de concienciación. As nenas e nenos de infantil e primaria, axudados por Esther, Marisa e as súas mestras, elaboraron pancartas con distintos debuxos e lemas conmemorativos. Con esas pancartas, posteriormente o día 25 de novembro saímos desfilar todos e todas pola Rúa Real ata a casa consistorial, onde tivo lugar unha concentración de repulsa. A continuación a concelleira de igualdade deu lectura a un manifesto, despois representantes de todas as clases de primaria leron os textos reivindicativos de cada clase.

Chegou o Magosto e con el, os xogos populares

 Outra das actividades que levamos a cabo neste trimestre foi a degustación de castañas no Magosto e, en concreto esto foi o pasado 8 de novembro. Ramón asounos as castañas para que despois puidésemos comelas todos e todas. Tras esta rica merenda, levamos a cabo diferentes xogos populares como por exemplo: a corda, a carreira de sacos, o pañuelo, a bomba... entre outros moitos xogos dos que puidemos desfrutar. A continuación deixamos unhas fotos deste día tan divertido:

Os conxuros do Samaín

 Na publicación anterior falábamos sobre os conxuros que cada clase fixe en relación, tanto ao Samaín como ao PDI Artesans. A continuación deixámosvos uns exemplos dos mesmos.

Como foi o primeiro trimestre: o Samaín

 Coa chegada de decembro, tamén chega o final deste primeiro trimestre e hoxe comezamos a facer unha recompilación do mesmo contándovos algunhas das cousas que estivemos a facer durante estes meses.

En primeiro lugar falaremos da celebración do Samaín onde decoramos a nosa escola cunha chea de caldeiros terroríficos que os nenos e as nenas foron traéndonos. Tamén, cada aula elaborou unha poción máxica empregando palabras relacionadas co PDI do centro: ARTESANS e quedaron espectaculares!!

 A continuación deixámosvos uns exemplos dos caldeiros: