Galemés: Obradoiro da fundación Legar

 Hoxe visitounos na biblioteca, Xabier, da Fundación Legar, para elaborar, xunto ao alumnado de quinto e sexto de primaria, diferentes instrumentos elaborados con elementos da natureza. Foi unha interesantísima e creativa actividade. Encadrámola tamén dentro do noso proxecto de centro “Un territorio Arte-san”.

Xeopícaros

 Empezamos a XIX Semana dos Xeoparques Europeos #EGNWeek2025 por todo o grande.

V Xeopícaros do Xeoparque Montañas do Courel.

Reunión dos escolares do Xeoparque na vila de Quiroga.

Levamos a cabo esta actividade xunto co colexio de San Clodio e tamén, o de Seoane do Courel onde, por clases levamos a cabo diferntes xogos, obradoiros... sobre o noso, o que nos rodea e do que tan orgullosos nos sentimos.

Galemés: Concerto de Migallas

 Para seguir coa celebración do Galemés, hoxe visitou o noso centro Migallas, onde fixo a actuación de Brincadeiras da lingua 

A continuación deixámosvos unha serie de imaxes do mesmo así como o vídeo dunha das cancións que todos e todas cantamos.

Galemés: Acto das Letras Galegas

 Para celebrar o día das Letras Galegas, o 16 de maio, e sendo outro acto do Galemés, levamos a cabo unha serie de actuacións de diferentes cancións populares na honrra das homenaxeadas polas Letras, así como falando un pouco sobre elas. Cada curso elexiu unha canción popular e representouna diante de todos. Finalmente, todo o centro cantamos "O galo canta" para pechar o acto.

Galemés: Teatro "Catro Monos"

 Para continuar coa celebración deste, o noso mes, dende o Concello convidáronnos a desfrutar desta actuación de Tropa de Trapo onde nos contaba a historia de 4 monos para, a través destas falar de como nos relacionamos entre nós e co medio, para soñar con outro mundo posible. 

Galemés: Obradoiros de Outonía

 Para seguir coa celebración do Galemés, visitáronnos dende Outonía e durante os días 12, 13 e 14  de maio o alumnado levou a cabo diferentes actividades sobre as Letras Galegas (coñecendo máis sobre as homenaxeadas, sobre instrumentos tradicionais Galegos...)

Unha gran experiencia da que aprendemos moito!!

Continuamos co noso Muro das Verbas

 A continuación amosámosvos novas incorporacións ó noso Muro! Seguimos agardando por máis creacións. Grazas pola vosa participación!!

Presentación do libro de Celia Díaz

O luns inauguramos o GALEMÉS dando a cada neno e nena e a todo o persoal do centro unha chapa que pon en valor o uso da lingua galega e que nos vai a acompañar durante todo o mes. Durante os recreos tentaremos promover máis o uso desta lingua e, ademais, o préstamo deste mes dende a biblioteca será de libros en Lingua Galega.

Comezamos a contarvos pois, a primeira visita que tivemos no mes, a da autora Celia Díaz Núñez. 

 Nesta ocasión foi para falarnos da súa novela "A avoa canta como a cotovía", que o alumnado de 5°e 6° xa tiña lido coas súas titoras na aula e tamén aprendido as cantigas co mestre de música. Unha historia que enganchou ao alumnado e que ten como protagonistas a un neno e a súa avoa enferma de Alzheimer e como a música, as cantigas tradicionais, lle aledan a vida.

Foi apaixoante a lectura desta obra.

Foi un privilexio contar coa presenza da súa autora na nosa biblioteca.

Foi interesante achegarnos ao coñecemento da enfermidade do alzheimer .

Foi fantástico cantar todos xuntos cantigas tradicionais que forman parte do noso patrimonio cultural.

Si, foi realmente emocionante.

En definitiva, pódese afirmar que: " As nosas rapazas e rapaces cantan como a cotovía".

Moitísimas grazas, Celia.

O noso GALEMÉS no xornal!

 Preme para ver a nova

GALEMÉS

Chegou o día de estrear unha das novidades deste curso! O Galemés

Todos os días do curso dinamizamos o uso da lingua galega no centro pero este maio estará ademais cheíño de actividades para a celebración do galego entre a comunidade educativa: obradoiros, música en directo, teatro, visitas…

3, 2, 1… Comeza o Galemés do CEIP de Quiroga!